Hartman von Ouwe 89 Dirre werlte veste, ir stæte, unde ir beste unde ir græste magenkraft, diu stāt āne meisterschaft. too des muge wir an der kerzen sehen ein wāreз bilde geschehen, daз sī zeiner aschen wirt en mitten dō sī lieht birt. wir sīn von brceden Sachen. 105 nū sehent wie unser lachen mit weinen erlischet. unser süeзe ist vermischet mit bitterre gallen. unser bluome der muoз vallen no so er allergrüenest wænet sīn. an hern Heinriche wart wol schīn, der in dem hæhsten werde lebet ūf dirre erde, derst der versmæhete vor gote. 115 er viel von sīme geböte ab sīner besten werdekeit in ein versmæhelīcheз leit: in ergreif diu miselsuht. dō man die swæren gotes zuht 120 gesach an sīnem lībe, manne unde- wībe wart er dō widerzæme. nū sehent wie genæme er ē der werlte wære, 125 und wart nū alse unmære daз in niemen gerne an sach: alse ouch Jōbe geschach, dem edeln und dem riehen, der ouch vil jæmerlīchen 13° dem miste wart ze teile