Hartman von Outtie 99 diu vollen manbære und ouch des willen wære daз sī den tot durch mich lite und man sī zuo dem herzen snite, 450 und mir wære niht anders guot wan von ir herzen daз bluot. nū ist genuoc unmügelich daз ir deheiniu durch mich gerne līde den tot. 455 des muoз ich schemēlīche not tragen unz an mīn ende. daз mirз got schiere sende!' Daз er dem vater hete gesagt, daз erhörte ouch diu reine magt: 460 wan eз hete diu vil süeзe ir lieben herren füeзe stände in ir schōзen, man möhte wol genōзen ir kintlīch gemüete 465 hin ze der engel güete. sīner rede nam sī war : unde marhte sī ouch gar: sī enkam von ir herzen nie unz man des nahtes slāfen gie. 470 dō sī zir vater füeзen lac und ouch ir muoter, so sī pflac, und sī beide entsliefen, manegen sūft tiefen holte sī von herzen. 475 umbe ir herren smerzen wart ir rjuwe also grōз daз ir ougen regen begōз der slāfenden füeзe, sus erwähle sī diu süeзe. 480 Dō sī der trehene enpfunden, - -1 H 2