150 Das Nibelungen-Lied Ē daз si rehte erfunde daз iз wære ir man, an die Hagenen vrāge denken si began, wie er in solde vristen: dō wart ir erste leit. von ir was allen vreuden mit sīme tōde widerseit. 38 Dō seic si zuo der erden, daз s' niht ensprach: die schcenen vreudelōsen ligen man dō sach. Kriemhilde jāmer wart unmāзen grōз: do erschrē si nach unkrefte daз al diu kemenāte erdōз- 32 Dō sprach daз gesinde: 'waз ob eз ist ein gast?' daз bluot ir ūз dem munde von herzen jāmer brast. dō sprach si ' eз ist Sīfrit, der mīn vil lieber man: eз hat geraten Prünhilt, daз eз hat Hagene getan.' 36 Diu vrouwe bat sich wīsen da si den helt vant. si huop sīn schæne houbet mit ir vil wīзen hant. swie rot eз was von bluote, si het in schiere erkant. dō lac vil jæmerlīche der helt von Nibelunge lant. 40 Dō rief vil trūreclīche diu küneginne milt: ' owē mir mīnes leides! nu ist dir dīn schilt mit swerten niht verhouwen: du līst ermorderōt. unt wesse ich wer iз het getan, ich riete im immer sīnen tot.' 44 Alleз ir gesinde klagete und scrē mit ir lieben vrouwen, wand' in was harte wē umb' ir vil edelen herren, den si da heten verlern, dō het gerochen Hagene harte Prünhilde zorn. 48 Dō sprach diu jämerhafte: ' ir suit hine gān und wecket harte balde die Sīfrides man. ir suit ouch Sigemunde mīnen jāmer sagen, ob er mir helfen welle den küenen Sīfriden klagen.' 53 Dō lief ein böte balde da er si ligen vant, die Sīfrides helede von Nibelunge lant. mit den vil leiden mæren ir vreude er in benam. si wolden'з niht gelouben unz man daз weinen vernam. 56